Ndotja e ajrit, kërkohen masa imediate për uljen e ndotjes

 

Ekspertët kërkojnë shfrytëzim të resurseve energjetike natyrore. 

 

“Vendin e presin pasoja katastrofale, ne nuk i shfrytëzojmë burimet e ripërtërishme që i kemi pa pagesë, si energjia diellore”,- tha profesori, Ilija Nasov.

 

“Qeveria e ardhshme të ratifikojë Marrëveshjen e Parisit dhe të përqendrohet në uljen e varësisë ndaj qymyrit”,- theksoi Antonio Ivanovski nga OJQ “Go Green”.

 

Ditëve të fundit niveli i ndotjes në Shkup arriti në 12 herë më shumë se normalja. Ambientalistët propozojnë masa konkrete për uljen e  ndotjes, si: Transport publik falas, presion ndaj industrive që t’u përmbahen standardeve ekologjike dhe sidomos në ditët me mjegull, ku niveli i ndotjes është më i lartë, qytetarët është mirë të mos dalin pa nevojë nga shtëpia ose përdorin maska për t’u mbrojtur nga ndotja e ajrit.