Ministri Lutfiu takon me ambasadorin e Italisë, Carlo Romeo

Ministri i Arsimit dhe Shkencës ,Pishtar Lutfiu realizoi takim me ambasadorin e ri të Italisë në Republikën e Maqedonisë, Carlo Romeo, ku u diskutua rreth bashkëpunimit bilateral.  Ambasadori Italian falenderoi ministrin për përkrahjen e deritanishme  në sferat e edukimit dhe kulturës mes dy vendeve.

Ministri Lutfiu njoftoi ambasadorin Romeo për punën dhe sfidat që është ballafaquar Ministria e Arsimit dhe Shkencës për hapjen e Universitetit “Nënë Tereza” në Shkup, duke e njoftuar për procedurën e funksionimit dhe zhvillimit të mësimit në këtë fakultet.

Gjithashtu, në takimin e realizuar u diskutua edhe çështja e promovimit të gjuhës dhe kulturës italiane në shkollat fillore dhe të mesme, si bazë për vazhdimin e mëtejshëm në arsimin e lartë në këtë sferë.

Së fundmi, ministri Lutfiu falenderoi ambasadorin Italian për vizitën e tij  në ministrinë e Arsimit dhe Shkencës, duke shprehur gatishmëri për bashkëpunim të mëtejshëm dhe duke i uruar sukses në postin e ri të ambasadorit.