Kujdes me mbeturinat për 1 Maj, gjobat sillen prej 50 deri më 200 euro

Të mos ndizet zjarr dhe të mos hidhen mbeturina gjatë festës së ardhshme të 1 Majit nëse dilet në natyrë, apelojnë kompetentët.

Gjoba për ndezjen e zjarrit  në një sipërfaqe publike është prej 200 eurosh, ndërsa për hedhjen dhe lënien e mbeturinave në natyrë prej 50 eurosh.

Nga Qyteti i Shkupit  i bëhet apel qytetarëve që të kenë kujdes gjatë qëndrimit në vendet për piknik siç janë Vodno, Saraj, Liqeni i Treskës dhe Matkës, duke  paralajmëruar se do të bëhet kontroll në sipërfaqet publike.