“Fortesa 2”, seanca shtyhet për më 17 janar

Më shumë se dy orë zgjati seanca e parë gjyqësore parapërgatitore për rastin “Fortesa”, ku punonjës dhe ish drejtues të DSK-së akuzohen për shkatërrimin e dokumenteve dhe materialeve që kanë lidhje me pajisjen e përgjimeve të paligjshme.

 

Gjykatësja dhe pala mbrojtëse  thonë se dëshmitë e PSP-së nuk janë të mjaftueshme, të njëjtat janë të klasifikuara dhe për përdorimin e tyre të mëtejshëm duhet siguruar leje e veçantë nga DSK.

 

Ata kërkojnë që seancat e ardhshme të jenë të mbyllura për opinionin. 

 

“Humbëm pa nevojë më shumë se dy orë për gabimet procedurale që i ka bërë PSP. Ne kërkojmë që gjithçka që është siguruar në mënyrë të paligjshme të përjashtohet nga ky proces, por gjykata u mundësoi PSP-së që t’i përmirësojnë gabimet e tyre procedurale të ngritura për këtë rast”,- deklaroi avokati mbrojtës, Nikolla Dodevski.

 

Nga PSP vlerësojnë se kërkesat e tyre janë vetëm një mënyrë për t’u anuluar seancat e ardhshme gjyqësore për këtë rast.

 

“Për gjykatën nuk është e panjohur të veprojnë me dëshmi të klasifikuara, duke marrë parasysh se edhe Ligji për dëshmi mundëson një gjë të tillë në vend. Kërkesa e gjykatës për të siguruar leje të veçantë vlerësojmë se është vetëm për të anuluar seancat, por shpresojmë shumë se këto mosmarrëveshje do t’i tejkalojmë në të ardhmen”,- deklaroi Lençe Ristevska nga PPS.

 

Prokuroria Publike Speciale ngriti lëndën “Fortesa” më 15 shator të këtij viti dhe ngriti akuza ndaj shtatë persona, në mesin e të cilëve punonjës dhe ish drejtorë të DSK-së.

 

I pari i akuzuar, Goran Grujovski, sot nuk lejoi të fotografohet në seancë para kamerave.

 

Akuza është ngritur për veprimet juridike penale që lidhen me përgjimin e paautorizuar të komunikimit.

 

Ai së bashku me punëtorët e tij akuzohen se kanë formuar komision të veçantë dhe kanë asgjësuar mbi 2000 dosje të përgjimeve. 

 

Seanca e ardhshme gjyqësore parapërgatitore është e caktuar për 17 janar të vitit të ardhshëm.