Presidenca Trump, kritikuesi i Obamës - sekretar i mbrojtjes së ShBA-ve

Gjenerali, James Mattis, një nga figurat më të rëndësishme ushtarake, që ka shërbyer në misionet në Irak dhe Afganistan, do të jetë sekretari i ri i mbrojtjes së ShBA-ve gjatë presidencës Trump.

 

Këtë e ka bërë publike mbrëmë presidenti i zgjedhur gjatë turit të falënderimit për të gjithë ata që e mbështetën për të fituar karrigen e parë të Shtëpisë së Bardhë. 

 

Gjenerali njihet si një kritik i hapur i politikave të ndjekura në Lindjen e Mesme gjatë administratës “Obama”, veçanërisht kursit që Pentagoni ka ndjekur në Iran. Ai e ka cilësuar Iranin si “kërcënimin e vetëm për stabilitetin dhe paqen në Lindjen e Mesme”.