Fëmijët me nevoja të veçanta, UNICEF: të përmirësohen shërbimet për ta

Për momentin ekzistojnë 30 qendra ditore shtetërore për fëmijë me nevoja të veçanta, të cilat gjenden vetëm në qytetet më të mëdha dhe u japin shërbime vetëm 10 për qind nga të gjithë fëmijët me nevoja të posaçme në vend, theksohet në raportin e UNICEF-it.

Në raport bëhet thirrje për vendosjen e parimeve themelore të të drejtave të njeriut dhe të klasifikimit ndërkombëtar të funksionimit, nevojave të posaçme dhe shëndetit në të gjitha shërbimet për fëmijë me nevoja të veçanta.

Në promovimin e sotëm të raportit "vlerësimi i formave alternative të kujdesit dhe shërbimeve për mbështetje të familjeve dhe fëmijëve me nevoja të veçanta", partnerët qeveritar, organizatat e personave me nevoja të veçanta, prindërit e fëmijëve me nevoja të veçanta edhe ekspertët diskutuan për udhëzimet kryesore dhe rekomandimet nga raporti.