Obama e mbajti fjalimin e tij të fundit për sigurinë

Presidenti amerikan në largim, Barak Obama, mbrëmë në fjalimin e tij të fundit të madh kushtuar çështjeve të sigurisë, paralajmëroi se SHBA-ja nuk do të jetë në gjendje ta shkatërrojë terrorizmin me përdorimin e fuqisë së vet luftarake.

 

Gjatë fjalimit të cilin e mbajti në bazën ajrore Mekdil në Tampa të Floridas, Obama i mbrojti arritjet e administratës së tij në fushën e sigurisë nacionale, transmetoi Tanjug-u.

 

Obama e paraqiti pohimin se administrata e tij ka arritur ta bëjë Al Kaedën "hije të asaj që ishte dikur" dhe e shtyu SHI-në të lëshojë pe, por se terrorizmi do të mbetet kërcënim për SHBA-në.

 

"Në vend të premtimeve të rrejshme se mund ta eliminojmë terrorizmin me hedhje të më shumë bombave apo me dërgimin e gjithnjë e më tepër trupave apo me distancimin nga pjesa tjetër e botës, ne duhet në afat të gjatë ta shqyrtojmë kërcënimin terrorist dhe duhet të ndjekim strategji të mençur e cila është e qëndrueshme", porositi Obama./mia