DASH: Ndalni retorikën provokative ndaj ambasadorëve

Zëdhënësi i Departamentit të Shtetit, Xhon Kirby , ka shprehur shqetësimin e Uashingtonit zyrtar, për shkak të tensioneve të rritura politike në Maqedoni pas zgjedhjeve parlamentare më 11 dhjetor.

 

SHBA-të dënojnë, atë që Kirbi e ka cilësuar si  retorikë provokative nga disa liderë politikë, duke i sulmuar institucionet demokratike dhe ambasadorët e akredituar në Maqedoni.

 

“Ne jemi të shqetësuar për shkak të tensioneve të rritura politike në Maqedoni , pas zgjedhjeve parlamentare më 11 dhjetor  dhe i dënojmë  fjalimet provokative të disa liderëve të partive politike të cilët kanë akuzuar institucionet demokratike dhe ambasadorët e akredituar në Maqedoni  . U bëjmë thirrje  liderëve  të  partive politike në Maqedoni , të ndalen me akuza , ti respektojnë proceset demokratike  dhe të lejojnë formim të qeverisë stabile dhe kredibile, të përkushtuar në sundimin e së drejtës, përgjegjësisë dhe lirive themelore. SHBA-të janë të  gatshme t'i ndihmojë një qeverie të këtillë , që të arrihet qëllimi afatgjatë për integrimin euroatlantike”, shprehet zëdhënësi i Departamentit të Shtetit Amerikan, Xhon Kirby.