Vatikani përgatitet për krishtlindjet

Të dielën në orën 12:00, nga lozha qendrore e Bazilikës së Vatikanit, Papa do t’i drejtojë mesazhin e Krishtlindjes mbarë botës dhe do të japë bekimin “Urbi et Orbi”. Do të jetë Krishtlindja e katërt e Papës Françesku, i cili në një postim në Twitter shkruan: “Zoti bëhet njeri, për të ecur me ne në jetën e çdo dite”.

Kremtimi i Meshës së Natës do të paraprihet nga kënga tradicionale e Kalendës, që kumton lindjen e Jezusit. Gjatë Meshës së Natës, lutja e besimtarëve do të jetë sipas traditës në gjuhë të ndryshme.