NBA, Washington fiton të parën ndaj Indianas
Skuadra nga Washington DC që i habiti të gjithë në çerekfinale pasi menjanoi Chicago Bulls me serinë që u mbyll me shifrat 4-1 në favor të tyre, e nisi me fitore edhe fazën gjysmëfinale të konferencës së Lindjes……..
Nuk kanë fund surprizat nga Washington Wizards në fazën e perfundimtares së Ligës NBA. Skuadra nga Washington DC që i habiti të gjithë në çerekfinale pasi menjanoi Chicago Bulls me serinë që u mbyll me shifrat 4-1 në favor të tyre, e nisi me fitore edhe fazën gjysmëfinale të konferencës së Lindjes.
Këtë herë ajo që u dorëzua pa kushte përballë Wizards ishte Indiana Pacers me skuadrën nga Indianapolis që u mposht me rezultatin 102-96 në shtëpi duke bërë që Washington të marrë kryesimin e serisë 1-0 me ndeshje. Bradley Beal me 25 pikë 7 bashkeveprime dhe 7 kercime si dhe Trevor Ariza me 22 pikë ishin dy basketbollistët përcaktues në suksesin e skuadrës së trajnerit Randy Wittman.
Në Bankers Life Fieldhouse të Indianapolisit sfida nisi në dishezë për miqtë. Një gjuajtje e saktë nga vija për tre e Arizas I dha Washingtonit avantazhin 23-10 që në fillim.
Periudha e parë u mbyll me shifrat 28-15 në favor të skuadrës nga kryeqyteti. Gjithsesi Indiana reagoi furishëm në startin e periudhës së dytë dhe falë edhe një rezultati të pjesshëm 11-0 i ngushtoi distancat në vetëm 2 pikë. Por miqtë nga Washingtoni u përgjgijën me të njëjtën monedhë. Disa pikë të Bradley Beal dhe një rezultat I pjeshëm 17-6 I coi Wizards në pushim me një avantazh prej 13 pikësh.
Pjesa e dytë nisi me një finalizim të Arizës që e zgjati në 15 pikë avantazhin e miqëve, megjithatë falë disa koshave rradhazi të Hill dhe West që realizuan respektivisht 18 dhe 15 pikë në këtë sfidë Indiana arriti ti ngushtonte shifrat. Perioda e tretë përfundoi me rezultatin 69-62 në favor të Washingtonit.
12-minutëshi i fundit nuk i shërbeu për asgjë ekipit të trajnerit Frank Vogel. Edhe pse vendasit me George e Turner u përpoqën të kthenin ndeshjen në favor të tyre nuk ja dolën dot pasi miqtë arritën të ruanin avantazhin duke e mbyllur sfidën me rezultatin 102-96 në favor të tyre. Në sfidën tjetër të perfundimtares Los Angles Clippers mori një fitore shumë të rëndësishme në udhetim përballë Oklahoma City Thunder 122-105. Më I miri për kalifronianët në këtë ndeshje isht Chris Paul me 32 pikë të realizuara. Me këtë sukes skuadra e Doc Rivers mori avantazhin gjysmëfinales 1-0 me ndeshje.