Nata e vitit të ri më shumë punë për mjekët më pak për policinë

Autoritetet shëndetësore informojnë se gjatë festës së vitit të ri, janë realizaur gjtihësej 168 intervenime të ndryshme, prej të cilëve kryesojnë ata për alkool të tepruar, 2 aksidente dhe një intervenim për konsumimin e drogës.

 

“8 prej gjithësej 28 pacientëve ishin pacientë të alkoholizuar nën moshën 18 vjeç dhe 1 nën moshën 14 vjeç. Të gjithë pacientëve të pranuar u është dhënë mjekimi i duhur mjekësorë dhe në orët e herëshme të mëngjesit ata u dërguan në shtëpi. Të gjithë janë në gjende të mirë shëndetësore”, tha Zhanina Persovska, drejtoresha e klinikës së toksikologjisë.

 

“Ekipet e ndihmës së shpejt  gjatë 24 orëve të fundit kanë intervenuar tek 168 persona, 81 kanë qenë intervenime urgjente. Prej tyre 15  kanë të bëjnë me konsumimi i tepërt të alokoholit, dhe kemi intervenuar te 3 persona të lënduar në  2 aksidnete të ndryshme në Shkup”, tha Tatijana Baevska, drejtoresha e shtëpisë shëndetësore Shkup.

 

Mjekët edhe këtë vit kanë intervenuar tek fëmijët të lënduar nga mjetet plasëse piroteknike.

 

“Si çdo vjet fatëkeqësisht patëm intervenime që janë si rezultat i lëndimeve nga mjetet prioteknike. Edhe për kundër apeleve të shumta të kihet kujdesë dhe të mos përdoren mjetet prioteknike, mund të konstatoj se lëndimet nga pushkaliqet vazhdon të jenë kronika e zezë e çdo viti të ri”, tha Nikolla Todorov, ministër i shëndetësisë.

 

Ministri i Brendshëm Agim Nuhiu pas vizitës së Sektorit të Punëve të Brendshme në Shkup konstatoi se nata e vitit të ri në përgjethësi ka kaluar e qetë dhe me aktivitetet e zakonshme policore. 

 

“Respekte për qytetarët e vendit që kanë sensin e nevojshëm për të kuptuar kontekstin e rrethanave dhe domosdoshmërinë për të respektuar rendin dhe sigurinë publike dhe për efektivin e policisë që është në krye të detyrave të punës!”, thekson ministri Nuhiu. 

 

Mbrëm ka pasur edhe 4 te vdekur dhe 3 ndëryhyrje operative të apendesitit, raste që nuk lidhen me festën e vitit të ri, informojnë autoritetet shëndetësore.