Qendra klinike universitare në Shkup, Shilegov: VMRO nuk e ndërtoi, do ta ndërtojmë ne

Lidhja Social Demokrate ka premtuar se  do ta ndërtojë Klinikën e  re Universitare që ishte  premtim i  VMRO-së por që nuk është realizuar deri tani. Zëdhënësi I LSDM-së Petre Shilegov thotë se klinika e VMRO-së duhet të kishte përfunduar më 2 janar 2017, por në këtë ditë përvec rrethimit , nuk është bërë asgjë më shumë. Klinikën do ta ndërtojë LSDM premton Shilegov.

“Gruevski së bashku me Nikolla Todorovin në këtë vend në këtë datë më 2 janar të vitit 2014 ecte përkrah kësaj rrethoreje,   dhe ju premtonte për Klinikën qëndrore në Shkup,  që sipas tij do të përfundonte  deri më 2 janar të këtij viti. Sot jemi 2 janari i vitit 2017 realitetin e shifni prapa meje dhe ato janë vetëm muret rrethuese. Që para 3 viteve, qytetarët  që vinin këtu vetë apo  me fëmijë dhe  prindër të sëmurë, shpresuan  që më tatimet që paguajnë do të filloj të ndërtohet klinika qëndrore. Por në vend të kësaj,  nëpër qytet shikoni  ndërtime për persona të VMRO-së, për të cilat,  sipas disa vlersimeve janë shpenzuar më shumë se 30 milionë euro” – tha zëdhënësi i LSDM-së,  Petre Shilegov.

Sipas tij në këtë klinikë që do tu shërbejë të  gjithë qytetarëve ,  shërbimet të jenë në nivel të duhur dhe klinikës universitare do ti kthehet  koncepti parësor I saj, pra të  gjitha klinikat do të jene të lidhura funskionalisht dhe nuk do të dërgohen njerëzit nga një klinikë në tjetër. (Gazmend Rexhepi, TVM2)