Transporti urban në Shkup, sistemi elektronik gjen qytetarët të papërgatitur

Lamtumirë biletave të vjetra, në Shkup filloi që në ditën e parë të vitit,  zbatimi i karteleve elektronike në transportin publik dhe privat.

Por pavarësisht paralajmërimeve të shumta dhe periudhës së gjatë për ta mësuar funksionimin e sistemin e ri , shumë qytetarë  u gjetën të pa përgaditur dhe pa kartela elektronike për udhëtim.

Në dy ditët e para të pushimit, nuk kishte shumë rrëmujë, por sot kur qytetarët iu kthyhen obligimeve ditore, të gjitha  punktet e ndërmarjes së transportit publik,ishin të stërmbushura me njerëz .

“Askush nuk ka treguar se si dhe kur duhet të vazhdohen kartelet elektronike. Kishte shumë paqartësi, për atë se a duhen vazhduar këto kartele me vitin e ri kalendarik apo një vit pas nxerjes së kartelës eketronike, prandaj ka rrumujë”

“ Katastorfë shkon puna. Jam afruar deri te dera kryesore, por nuk mund të lëvizim as para as mbrapa. Prej orës 7 të mëngjesit jam këtu dhe nuk e di se kur do të mbaroj”

“Në këtë  të ftohtë  qendrojmë jashtë për të vazhduar afatin e karteles. Nuk është e drejtë në mëngjes pagova 150 denarë vetëm për një vozitje,sepse nuk e kisha vazhduar afatin e karteles”

“Unë vazhdova afatin e  karteles time, mbrenda shkon shpejt, por jashtë prita gjysëm ore e më shumë”

“Nuk është në rregull të ketë aq rrëmuj të madhe, le të hapen punkte të tjera në Shkup” - thanë disa nga qytetarët e anketuar nga TVM2.

Sistemi i ri elektronik prej këtij viti do të zbatohet nëpër gjitha autobuset e NTP-së dhe tek transportuesit privatë  dhe do të kenë  çmimin e njëjtë si deri tani. Për disa qytetarë kjo risi është ende e paqartë dhe u krijon huti se si do të funskionojë ky system  në përgjithësi, të tjerët thonë se tani është më lehtë.

 “Nuk jemi njoftuar me detajet se si do të funksionoj sistemin e ri elektronik”

“Është më mirë me kartelet elektroike sepse nuk do të ketë më rrëmuj dhe pritje nëpër autobuse”

“Është e thjeshtë dhe e lehtë për ta përdorur, kalon kartelen te automati dhe vazhdon udhëtimin”

“Kjo është puna e mirë për ne, vetëm në duhet pak kohë derisa mësohemi ti përdorim” – thanë disa nga qytetarët e anketuar nga TVM2.

Kartelat elektronike filluan të përdoren në dhjetor të vitit 2015  dhe gjatë kësaj periudhe ka funksionuar edhe sisitmi i vjetër i pagesës. Sistemi I ri  elektronik ka për qëllim përmirësimin e funksionimi të tranportit publik, rritjen e shpejtësisë dhe cilësisë së tranportit në Shkup. (Rexhep Qamili, TVM2)