Moti i keq në Shqipëri, bllokohet veriu, PD: Qeveria nuk po punon sa duhet

Më problematike situata paraqitet në veri, sidomos në Kukës dhe në Pukë, ku pjesa më e madhe e fshatrave janë izoluar për shkak të trashësisë së madhe të dëborës, deri në 1 20 centimetra.

 

Për shkak të motit të keq, ka pasur probleme edhe me furnizimin me energji elektrike në qarkun e Shkodrës, Lezhës dhe Kukësit.

 

Në zonën e Kukësit po veprojnë 8 borëpastruese si dhe disa forca ushtarake po përpiqen t’i bëjnë rrugët të kalueshme.

 

Por, Partia Demokratike ka ngritur shqetësimin se masat e marra nga qeveria janë të pamjaftueshme, madje të papërfillshme.

 

Të gjitha akset nacionale qarkullojnë me zinxhirë. Rruga e Kombit është e qarkullueshme me zinxhirë e po ashtu edhe në tunelin e Kalimashit, ku trashësia e dëborës ka arritur në 70 cm.