Si pasojë e motit të lig, në Evropë vdesin 17 persona

Moska është përballur me temperaturat më të ulëta në 120 vitet e fundit që kanë arritur në -30°C, gjatë festës së Krishtlindjes ortodokse.

Ndërkohë dhjetë persona kanë vdekur nga i ftohti gjatë dy ditëve në Poloni, ku temperaturat kanë arritur në -20°C në disa zona, ndërsa 7 persona kanë vdekur në Itali nga i ftohti që ka përfshirë vendin që nga dita e premte.

Masat e ftohta të ajrit të ardhura nga vendet skandinave ne Evropën Qendrore kanë shkaktuar të ftohtin e acartë me të cilin po përballen shumë vende, ditët e fundit.

Në Francë për shkak të rrugës së ngrirë një autobus me udhëtarë i cili lëvizte drejt Zvicrrës herët në mëngjes ka dalur nga autostrada me ç’rast jetën e kanë humbur katër portugjezë, ndërsa 27 të tjerë janë lënduar.

Fatkeqësia ka ndodhur në Sharole në autostradën Qendër Evropa Atlantik e cila kalon nëpër Francë dhe konsiderhet vendi më i rrezikshëm në Frencë.

Mbrëmë po ashtu ka ndodhur ndeshje zinxhirore e makinave në autostradën në afërsi të Selonge në të cilën një person ka humbur jetën. Reshjet e dendura të borës përfshinë edhe Stambollin dhe kompania ajrore “Turkish Airlines” anuloi më shumë se 650 fluturime.

Agjencia shtetërore e lajmeve “Anadolu” raportoi se ngushtica e Bosforit, që përshkon mes përmes Stambollin, u mbyll dhe shërbimi i trageteve u pezullua. Sipas mediave, autostradat kryesore në qytetin turk u kthyen praktikisht në një vendparkim makinash, pasi drejtuesit braktisën automjetet e tyre, në pamundësi për të kaluar mes borës dhe rrugëve të rrëshqitshme.

Termometri shënoi -7 gradë Celsius në qytetin e dytë më të madh të Greqisë, Selanik, ndërsa ekspertët paralajmërojnë ulje të mëtejshme. Rrugët u mbyllën përkohëshisht në disa zona në veri të Greqisë për shkak të borës dhe akullit.

VLORA LATIFI-TOPOJANI