Athinë, diplomati rus i gjetur i vdekur nuk është vrarë

Andrei Malanin, 55 vjeçar, është gjetur në dyshemenë e dhomës së gjumit në Athinë më 9 janar. Ai ka qenë shef i shërbimit konsullor rus në kryeqytetin grek.

Ambasada e ka publikuar një komunikatë sot duke thënë se “ekspertët e forenzikës” kanë arritur në përfundimin se Malanin ka vdekur nga shkaqe të natyrshme.

Policia greke gjithashtu ka thënë se ata nuk besojnë se bëhet fjalë për vrasje. Nuk ka pasur asnjë shenjë të hyrjes me forcë në vendin ku diplomati është gjetur i vdekur.