Gjashtë të vdekur nga zjarret në Kili

Gjashtë persona, katër zjarrfikës dhe dy policë, kanë vdekur në përballjen e tyre me zjarret që kanë kapluar Kilin qendror, kanë bërë të ditur autoritetet.

Zjarr i madh, i cili është ende duke u rritur, ka kapluar rreth 238 mijë hektarë pyje të vendit.

Ekipeve të shpëtimit ju kanë dalë në ndihmë edhe shumë qytetarë të cilët janë duke u munduar të fikin zjarret e të shpëtojnë shtëpitë dhe kafshët e tyre.

Presidentja e vendit ka urdhëruar të përdoren fonde ekstra për të fikur zjarrin, që ajo e quajti më të madhin që ka përjetuar vendi ndonjëherë.

Të paktën 4,000 persona janë evakuuar nga shtëpitë e tyre, ka raportuar Zyra Nacionale për Emergjenca.