Pesë aksidente në 24 orët e fundit në Shkup

Pesë aksidente me dëme të shkaktuara materiale kanë ndodhur gjatë ditës së djeshme në Shkup. Sipas evidentimit të SPB-së Shkup, dje policia e komunikacionit ka sanksionuar tre shoferë, të cilët kanë kaluar në dritë të kuqe të semaforit, tre kanë qarkulluar me shpejtësi më të madhe se e lejuara, dy nuk u kanë dhënë përparësi këmbësorëve në vendkalimin e shënuar për këmbësorë, 17 kanë vozitur pa patentë shoferi, përkatësisht të paregjistruar, si dhe 13 shoferë të cilët nuk e kanë përdorur rripin e sigurisë ose kanë përdorur celular.

Janë zënë edhe 36 automjete të parkuara në mënyrë të paligjshme. Me automjetin special “karrotrec” janë larguar 48 automjete. Nesër me fillim në orën 17:00 në Qendrën sportive “Jane Sandanski” në suaza të ABBA grupit do të luhet garë ndërkombëtare e basketbollit mes ekipeve “Aerodrom” dhe “Mega Leks”, Republika e Serbisë. Me qëllim të zhvillimit të sigurtë të komunikacionit, paralajmërohet se policia e komunikacionit do të ndërmarrë masa adekuate për sigurimin e komunikacionit.