Qendra për punësim “Maqedonia punëson”, fokusi tek të rinjtë

Nga viti 2007 deri më sot, nëpërmjet masës për vetëpunësim janë hapur 7.200 biznese të reja, 35% prej të cilave nga të rinjtë, thonë nga Qendra për punësim në Shkup.

 

“Me fazën e parë të projektit “Maqedonia punëson” u punësuan  18.900 persona, ndërsa në fazën e dytë mbi 4.200. Dy projektet janë iniciuar me projektin e parë ligjor "Punësimi i të rinjve deri 29 ¬vjeç", i cili punëdhënësve për herë të parë ju dha mundësinë të punësojnë të rinj deri në moshën 29¬ vjeçare dhe të lirohen prej pagesës së kontributeve sociale dhe tatimit personal të të ardhurave”,- deklaroi Sllobodanka Aleksova nga Qendra për Punësim – Shkup.

 

“Është e  nevojshme që të ketë një qasje të re. Duhen mbështetur të rinjtë si kategori specifike. Masat që shteti duhet të ndërmarrë, duhet fokusohen tek të rinjtë”,- theksoi drejtori i Koalicionit të organizatave rinore “Sega”, Zoran Ilievski.

 

Konferenca me temë “Politika aktuale për punësimin e të rinjve në BE dhe masat në Maqedoni në këtë drejtim”, kishte për qëllim përmirësimin e masave efektive dhe politikave për punësimin e të rinjve.