Kanada, sulm terrorist, 6 të vdekur dhe 8 të plagosur

Ngjarja ndodhi të dielën në Qendrën Kulturore Islamike “Quebec”, në orët e vona të mbrëmjes. Zyrtarët qeveritarë e quajtën sulmin një akt terrorizmi.

 

Kryeministri kanadez, Justin Tudeau, sulmin  që u bë në një xhami në Kanada e quan si dhunë e pakuptimtë. Një nga të dyshuarit u arrestua 14 milje në lindje të xhamisë përgjatë bregut të lumit Shën Lorenc, në urën që të çon në Orleans, ndërsa i dyshuari i dytë u arrestua në afërsi të xhamisë.

 

Dëshmitarët në vendin e ngjarjes thanë se dy persona të armatosur hapën zjarr dhe qëlluan në Qendrën Kulturore Islamike “Quebec”, ku ndodheshin rreth 100 persona.