Gjykata ndan dëshmitë, PPS i ankohet Apelit

Prokuroria Publike Speciale njofton se Gjykata Themelore Shkupi 1 ka sjellë vendim për ndarje të një pjese të dëshmive të propozuara në akuzën e PP S-së për dhunën në Komunën Qendër.

 

Nga PPS kanë dorëzuar ankesë deri te Gjykata e Apelit për këtë vendim të Gjykatës, për shkak të, siç thonë ata, shkeljes thelbësore të dispozitave të Ligjit për procedurë penale.

 

PPS e ka paraqitur propozim-akuzën deri te gjykata më 15 shtator të vitit 2016 kundër 14 personave, prej të cilëve 5 persona janë akuzuar si nxitës dhe 9 persona si kryerësit direkt të dhunës. Këta persona në propozim-akuzë janë të dyshuar për kryerjen e veprës penale “dhunë”’ në protestat para Komunës Qendër në vitin 2013.