Dhuna nëkomunën qendër, gjykata ndan dëshmitë, PSP i ankohet apelit

Prokuroria Speciale Publike njofton se Gjykata Themelore Shkupi 1, ka sjellë vendim për ndarje të një pjese të dëshmive të propozuara në akuzën e PSP-së për dhunën në  Komunën Qendër.

Nga PSP kanë dorëzuar ankesë deri te Gjykata e Apelit për këtë vendim të Gjykatës, për shkak të,  siç thonë ata, shkeljes thelbësore të dispozitave të ligjit për procedurë penale. PSP e ka paraqitur propozim akuzën deri te gjykata më 15 shtator të vitit 2016,  kundër 14 personave prej të cilëve 5 persona janë akuzuar si nxitës dhe 9 persona si kryerësit direkt të dhunës.

Këta persona në propozim akuzë, janë të dyshuar për kryerjen e veprës penale “dhunë”’ në protestat para Komunës Qendër në vitin 2013.

Përveç kësaj akuze, PSP ka ngritur edhe një akuzë tjetër e cila lidhet me shkatërrimin dhe asgjësimin e pajisjeve për përgjim, por dhe dokumentacionit.