Mbështeten bizneset e vogla

400 persona të ri të papunësuar, të regjistruar në Agjencionin për Punësim, prej nesër do të mund të aplikojnë në shpalljen për grand në vlerë prej 3 mijë euro, mjete këto të pakthyeshme, të cilat i ndan Shteti për hapjen e biznesit të tyre, kështu paralajmëroi sot ministri i Punës dhe Politikës Sociale, Dime Spasov.

 

“I ftoj të gjithë të papunësuarit të cilët kanë ide për biznes, ta shfrytëzojnë këtë rast dhe të aplikojnë. Kjo është një mundësi e mirë për të fituar mbështetje për vetëpunësim, të zhvillojnë biznesin e tyre, i cili do të kontribuojë edhe në zhvillimin e ekonomisë maqedonase dhe në hapjen e vendeve të reja të punës”, deklaroi ministri i Punës dhe Politikës Sociale, Dime Spasov.

 

Këtë vit tha ministri Spasov, 50 biznes-plane të cilët janë vlerësuar më së miri, do të kenë mundësinë të fitojnë grand në vlerë plotësuese prej 1500 euro për një punësim plotësues në firmën e porsaformuar.

 

Sipas tij, ky është cikli i dytë i programit për punësim, ndërsa me ciklin e parë i cili ka filluar në janar të këtij viti, grand duhet të fitojnë 500 të papunë, të cilët deri në fund të qershorit do të duhej t’i themelojnë firmat e tyre. 

 

Ndërkohë, drejtori i Agjencionit për Punësim, Vllatko Popovski, paralajmëroi konkurs plotësues për punësime në ndërmarrjet mikro dhe të vogla. Ai u bëri thirrje kompanive që të paraqiten në këtë program, sepse mund të financohen me nga1500 euro për çdo vend pune.