Planifikonin sulm terrorist, katër të arrestuar në Paris, mes tyre një 16-vjeçare

Të arrestuarit dyshohet se kishin planifikuar një sulm në Paris.

 

Një nga kamikazët e mundshëm kishte planifikuar të hidhte veten në erë pas martesës me të miturën 16-vjeçare.

 

Siç raporton BFM-TV, dasma ishte planifikuar shumë shpejt dhe pastaj të rinjtë do të niseshin për në Siri.  

 

34-vjeçari ishte i njohur për policinë si i radikalizuar së bashku me vajzën.

 

Arrestimet janë bërë pas hetimeve në rrjetet sociale, që kanë bërë të mundur dhe identifikimin e tyre, ku tre prej tyre ishin të njohur në fushën e terrorizmit.

 

Një 20-vjeçar i arrestuar kishte tërhequr vëmendjen e hetuesve për radikalizim në nëntor të 2015-s, ku dhe kishte tentuar të udhëtonte drejt Sirisë.

 

Ndërkohë, personi i katërt i arrestuar, i moshës 27-vjeçare, duket se ka një rol dytësor.

 

Në operacionin antiterrorizëm të policisë u gjetën 71 gram peroksid acetoni tatp, i njëjti lloj eksplozivi i përdorur në sulmet e Brukselit, si dhe një litër aceton dhe një litër peroksid hidrogjeni.