Bllokada në Evzoni, OEMVP: Problem serioz, rrezikohen marrëveshjet

Nga OEMVP thonë se vazhdimi i bllokimit të vendikalimt kufitar paraqet problem serioz.

 

“Afaristëve ju paraqet problem serioz kjo bllokadë, për arsye se ju shkakton shpenzime shtesë si për transport ashtu edhe për gjetjen e alternativave tjera, siç janë portet tjera të mundura, por për ata ajo kushton kohë dhe mund të vijë deri tek ndërprerja e marrëveshjeve”,- deklaroi drejtori ekzekutiv i OEMVP-së, Fatmir Bytiqi.

 

Sipas Bytyqit, investimet në infrastrukturën rrugore po edhe në atë hekurudhore kane munguar në periudhën e fundit, dhe po të kishte një sistem infrastrukturor me Shqipërinë ose Kosovën, afaristët nuk do të brengoseshin pasi do të kishin portin e Durrësit si alternativë më të mirë transportuese. Por, për momentin Porti i Selanikut është mjaft i rëndësishëm për Maqedoninë.

 

Hotelierët, ndërkohë, nuk po i vërejnë humbjet në turizëm, për faktin se bllokada ndodh në një kohë jashtë sezonit turistik. 

 

"Në vijim janë përgatitjet për sezonin e ri turistik dhe për këtë tani për tani humbjet janë minimale. Drejtpërdrejt nuk kemi kurrfarë dëmesh”,- theksoi Shoqata për hotelieri dhe turizëm pranë Odës, Asim Mexhedoviq.

 

Nga Shoqata e hotelierëve gjithsesi kërkojnë zgjidhje të shpejtë të bllokadës, sepse ajo po vështirëson degët e tjera të ekonomisë.