Ivanov: të formohet qeveria, t’i jepet fund krizës

Kriza politike është diskutuar edhe në drekën tradicionale të punës së organizuar nga presidenti Ivanov me ambasadorët e vendeve anëtare të grupit të Vishegradit.

“Në takim është theksuar se me rëndësi të veçantë për Republikën e Maqedonisë është tejkalimi i krizës politike dhe sa më shpejtë të formohet qeveri e cila do t’i dedikohet agjendës europiane dhe zhvillimit ekonomik dhe e cila do të ketë kapacitet të menaxhojë me sfidat nga kriza e migrantëve dhe e sigurisë. Ambasadorët u pajtuan se është hap i rëndësishëm i vendit në lidhje me integrimet europiane dhe euroatlantike”,- thiuhet në kumtesën e kabinetit të presidentit Ivanov.

Kreu i shtetit ka përshëndetur mbështetjen e grupit të Vishegradit për mbajtjen e dinamikës së procesit për zgjerim të Unionit Europian dhe sa më shpejtë të fillojnë bisedimet për anëtarësim të Republikës së Maqedonisë.