MASh: Shtohet numri i të diplomuarve mbi 30 vjeç

Këto janë të dhënat nga raporti i fundit "Nga universiteti tek punësimi" i Drejtorisë për Arsim pranë Komisionit Europian.

 

Nga MASh thonë se krahas participimit të zvogëluar dhe studimeve të disperzuara, në përqindjen e rritur të qytetarëve me arsim të lartë në këtë  moshë, rol ka edhe projekti 30/35, që zbatohet për të shtatin vit me radhë, duke u mundësuar meshkujve mbi 35 vjeç dhe femrave mbi 30 vjeç të regjistrohen dhe të përfundojnë studimet deridiplomike. 

 

“Beneficionet që i ofron ky projekt janë shfrytëzuar nga 2.000 qytetarë, që janë regjistruar në një nga katër universitetet shtetërore që në kontinuitet janë pjesë e këtij projekti dhe kanë status të studentëve të çrregullt, duke paguar shumën vjetore me kofinancim prej 200 eurosh. Vetëm në këtë vit akademik 2016/2017 masën e kanë shfrytëzuar 130 kandidatë që kanë aplikuar në konkursin e shpallur”,- deklaroi zëvendësministri i Arsimit, Spiro Ristovski.

 

Gjatë shtatë viteve të kaluara, studentët që kanë shfrytëzuar këtë projekt më shumë interesim kanë treguar për programet studimore nga shkencat teknike, natyrore-matematikore dhe mjekësore.