Tiranë, protesta e opozitës në ditën e tretë

Qindra protestues të opozitës vijojnë të qëndrojnë në çadrën para kryeministrisë në Tiranë, duke mos hequr dorë nga kërkesa për rrëzimin e qeverisë Rama.

Kryetari i PD-së, Lulzim Basha, deklaroi sot në çadrën e protestës se u është ofruar “koka” e ministrit të Brendshëm, por i kujtoi kryeministrit, Edi Rama, se qëllimi i protestës është vetëm Qeveria Teknike.

Kësaj deklarate i është përgjigjur ministri, Saimir Tahiri, duke thënë se e vetmja ofertë që ka për opozitën është tryeza e Reformës në Drejtësi.

Protesta nisi që të shtunën dhe do të vijojë pa afat, pasi Opozita pretendon se nuk mund të ketë zgjedhje të lira me Ramën kryeministër.