Shërbimi i ri elektronik i Kadastrës, qasje e lirë në të gjitha planet urbanistike

Qytetarët dhe komuniteti afarist prej sot mund të kenë qasje në planet urbanistike në tërë territorin e shtetit përmes gjeoportalit të Agjencisë për Kadastër të Patundshmërive, përmes sistemit të ri  elektronik.

Në gjeoportalin e Agjencisë për Kadastër të Patundshmërive prej sot secili qytetar mund të shohë se çka ka në parcelën e tij ndërtimore dhe çka është paraparë të ndërtohet në parcelën e tij dhe në fqinjësi, ndërsa kompanitë e biznesit mund të shohin se cila tokë e lirë përputhet me të dhënat nga Kadastra për tërë territorin e Republikës së Maqedonisë.

Shërbimi i ri i Kadastrës do të ketë ndikim në punën e kompanive ndërtimore dhe tek njerëzit, sepse do të ketë transparencë dhe numër më të madh informatash në dispozicion.

Për momentin në Regjistrin e tokës ndërtimore janë publikuar mbi 1.000 plane urbanistike.