Kaliforni, avioni rrëzohet, dhjetëra shtëpi në flakë, ka viktima

Të paktën katër persona janë vrarë dhe dy janë plagosur pasi një avion “Cessna 310” u rrëzua në një lagje, ne lindje të Aeroportit “Riverside” në Kaliforni, duke u vënë zjarrin dhjetëra shtëpive.

Avioni u rrëzua menjëherë pas ngritjes nga aeroporti, tha Administrata Federale e Aviacionit.

60 zjarrfikës janë ende në kërkim për të paktën dy persona të tjerë që mendohet të kenë humbur nëpër shtëpitë e shkatërruara nga aksidentin tragjik.

Avioni i vogël gjashtëvendesh ishte rrugës për San Jose, Kaliforni, kur u rrëzua në një lagje rezidenciale.