ShBA, rikthehet dimri, gjysmë metër borë në Minesota

Temperaturat kanë rënë ndjeshëm në të gjithë hemisferën veriore, por në Minesota të ShBA-ve dimri është kthyer me të gjitha katakteristikat e stinës.

 

Bora ka mbuluar rrugët, duke u kthyer në rrezik për shoferët. Rrugët kryesore në Minesota janë mbyllur për qarkullim, në autostrada vozitja bëhet në kushte të rënda dimërore, me zinxhirë, dhe shikueshmëria është shumë e ulët. Stuhia e funddimrit i ka gjetur njerëzit e papërgatitur. Bora ka arritur lartësinë prej gjysmë metri dhe pritet që stuhia të vazhdojë deri të mërkurën.

 

Reshje bore dhe shi i akullt po bie edhe në Nju Jork dhe Uashington, por nuk ka probleme në qarkullimin rrugor, përveç çudisë së njerëzve që ishin përgatitur të presin pranverën.