Somali, shpërthen makina bombë, tetë të vdekur

Makina bombë ishte vendosur në afërsi të një hoteli të njohur të qytetit, por për fat të mirë fuqia e bombës nuk arriti deri tek hoteli, është shkatërruar vetëm një shtëpi aty pranë.

Vetëm një orë para shpërthimit, autoritetet vranë një kamikaz, i cili u përpoq të hynte me një minibus me eksploziv në një postobllok.

Policia qëlloi pasi drejtuesi i autobusit nuk ndaloi.

Dy policë u lënduan në këtë shkëmbim zjarri. Në të kaluarën, përgjegjësinë për sulme të ngjashme e ka marrë “Al Kaeda”, por ende nuk dihet nëse organizata qëndron edhe pas sulmeve të sotme.