Përfshirja e fëmijëve në protesta, reagojnë prindërit: mos na politizoni fëmijët; Avokati i Popullit dhe OJQ-të: fëmijët, larg aktiviteteve politike

Prindërit kërkojnë përgjegjësi ndaj drejtorit dhe mbledhje urgjente të Këshillit të prindërve, në të cilën do të sqarohen se me çfarë të drejte drejtori Nikollovski i fton fëmijët e tyre të dalin në rrugë.

 

Sipas prindërve, nxënësit lëshohen më herët nga mësimi dhe profesorët publikisht iu thonë të shkojnë në protesta. 

 

Avokati i Popullit e dënon thirrjet e drejtorëve dhe kryetarëve të komunave për pjesëmarrjen e nxënësve në protesta.

 

“Inspektorati i Arsimit menjëherë të ndërmarrë masa që fëmijët të lihen larg aktiviteteve politike”,- apelojnë nga Zyra e Avokatit të Popullit, nga e cila kanë iniciuar edhe procedurë me kërkesë të prindërve. 

 

Ka reaguar edhe Komiteti i Helsinkit dhe OJQ “Civil”, nga ku kërkojnë që organet kompetente të marrin masa sipas ligjit, pasi në mënyrë flagrante po shkelen të drejtat e fëmijëve.

 

MASh-i paralajmëron hetim të rastit nga Inspektorati Arsimor dhe marrjen e masave ndaj drejtorit të gjimnazit të Prilepit.