Vazhdojnë protestat në Prilep, tre ditë nuk zhvillohet mësimi në shkollat e mesme

Njësoj si në ditët e kaluara, protestat të parët i filluan nxënësit e shkollës së mesme industriale që u mblodhën në oborrin e Gjimnazit “Mirçe Acev”, duke ftuar moshatarët e tyre t’u bashkëngjiten thirrjeve kundër “Platformës së Tiranës” dhe shqipes zyrtare.

 

 

Dje para gjimnazit protestuan edhe prindërit që kërkojnë dorëheqjen e  drejtorit pas xhirimit të publikuar ku ai i urdhëron nxënësit të dalin në protesta. Këto tre ditë, mësuesit e kanë të vështirë të zhvillojnë procesin mësimor në Prilep, pasi shumë nxënës lënë orët e mësimit për t’ju bashkangjitur protestave të iniciuara nga Organizata “Të bashkuar për Maqedoninë”.

 

Deri tani askush nuk është thirrur në përgjigjësi se përse nxënësit lejohen të largohen nga orët e mësimit.