Paraburgimi i Sead Koçan, punëtorët protestojnë për pronarin e arratisur

Të punësuarit në kompanitë që janë në pronësi të Sead Koçan kanë protestua para Gjykatës së Apelit pas vendimit për masën e paraburgimit.

 

Protestuesit theksuan se paraburgimi për Koçanin do të shkaktojë problem social dhe se ekzistenca e punëtorëve vihet në pikëpyetje. 

 

“Ne e përkrahim Sead Koçanin dhe kërkojmë drejtësi dhe ne nuk do të tërhiqemi nga kërkesa dhe nuk do të lejojmë që 1200 familje t’i shkatërroni, ne këtu e fitojmë kafshatën e bukës dhe nuk do të lejojmë që këtë ju ta shkatërroni, asnjë prokurori dhe asnjë gjykatë”,- tha një punëtore.

 

“Vendimin të cilin e mori mbrëmë Gjykata edhe kjo e vërtetoi se gjykatësit e Këshillit Penal, të cilët e kanë pranuar ankesën e Prokurorisë Speciale, nuk kanë vepruar. Do të thotë se ato ankesa nga mbrojtja janë miratuar, përkatësisht se të njëjtit kanë vepruar nën presionin e Speciales, kjo është ajo që në këtë moment është shumë e rëndësishme për ne dhe besojmë se më tutje gjykata do t’i udhëheq të gjitha procedurat në bazë të parimeve juridike”,- deklaroi Zekir Ramçilloviq nga komuniteti i boshnjakëve. 

 

Sead Koçan bashkë me Vasilije Aviroviq dhe Safet Batiq janë të dyshuarit e PPS-së për falsifikim të dokumenteve me anë të të cilave kanë fituar tender në vlerë prej 17 milionë eurosh nga ELEM për gërmim të qymyrit dhe mbetjeve nga miniera e Suvodollit.