Dita e Gjyqësorit, Vangellovski: ligjet e miratuara shpejt, pengesë e Gjyqësorit; Ambasadori Garet: problemet në Gjyqësor, në fokusin tonë

Kushtetuta dhe ligjet janë veglat më të fuqishme të çdo gjykatësi që t’i kundërshtohet ndikimeve dhe trysnive nga pushteti ekzekutiv dhe ligjvënës, pohon kryetari i Gjykatës Supreme, Jovo Vangellovski.

 

Duke folur në shënimin e Ditës së Gjyqësorit në vend, Vangellovski përsëriti qëndrimin se nevojiten shumë ndryshime të ligjeve të miratuara me procedurë të përshpejtuar në kuvend, të cilat tani paraqesin problem në punën e gjykatave.

 

Vangellovski, edhe pse për këtë nuk e thotë fajtorin, thotë se gjithçka do të ishte më mirë duke mos lejuar që të pranonim Raportin e Pribesë.

 

“Kush lejoi që të ndodh Raporti i Pribesë? E gjithë situata në shoqëri dhe gjyqësor lejuan që të ndodh një raport i tillë, i cili është kritik, në të cilin do të duhet të punohet dhe që është tregues i hapur se çfarë do të duhet të ndërmerret në periudhën që vjen”,- u shpreh kryetari i Gjykatës Supreme, Jovo Vangellovski.              

                                                                 

Gjendja me sundimin e së drejtës dhe pavarësinë në gjyqësor është në fokusin edhe të bashkësisë ndërkombëtare. Ambasadori i Britanisë së Madhe në vend, Çarls Garet, porositi se marrja e vendimeve reflektohet në fatin e qytetarëve, por edhe në institucione dhe në funksionimin e tyre.

 

“Ne jemi miq të sinqertë të Maqedonisë, partnerë të afërt dhe mbështetës të fuqishëm. Ne nuk e kemi shkopin magjik që t’i përmirësojmë punët brenda natës, por ne jemi të sinqertë me ju dhe kemi përvojë të madhe të cilën me kënaqësi do ta ndanim me ju”,- theksoi ambasadori i Britanisë së Madhe, Çarlls Garet.                                                                                                                

Prapa kamerave Vangellovski tha se Prokuroria Speciale ka dhënë autogol me kërkesën që ai të tërhiqet nga marrja e vendimit pas kërkesës për mbrojtjen e ligjshmërisë së paraburgimit të Sead Koçanit.

 

Vanegllovski tha se, sipas Ligjit për procedurë penale, të drejtën për të kërkuar mbrojtjen e ligjshmërisë e ka vetëm prokurori publik.