Deklaratat e Bushatit dhe Ramës, MPJ: Provokim serioz, ndërhyrje në punët e RM-së

Ministria e Punëve të Jashtme, ka reaguar sic thonë, në “deklaratat dhe komentet e shpeshta fyese nga persona zyrtar të Republikës së Shqipërisë drejtuar Republikës së Maqedonisë dhe qytetarëve të saj.

 

Nga MPJ njoftojnë se këto shqetësime i janë përcjellë edhe ambasadorit shqiptar në Maqedoni. 

 

 

MPJ e Shqipërisë: Qëndrojmë në pozicionin tonë kushtetues

 

Nga ministria e jashtme e Shqipërisë ndërkohë, thonë se nuk kanë ndryshuar qëndrimet edhe pas reagimeve të Shkupit zyrtar.

 

“Pozicioni i Shqipërisë në këtë çështje është i qartë. Nuk kemi asgjë për të shtuar. Shqipëria do të qëndroj në pozicionin e saj Kushtetues”, thonë shkurt  Ministria e Punëve të Jashtme të Shqipërisë. 

 

Dhe Kushtetuta e Shqipërisë është po ashrtu shumë e qartë. “Republika e Shqipërisë mbron të drejtat kombëtare të popullit shqiptar që jeton jashtë kufijve të saj”, thotë neni 8 I Kushtetutës. Por zyrtarët e lartë shqiptarë kanë ripërsëritur në mënyrë të vazhdueshme se interesimi për të drejta e shqiptarëve, që buron nga kustetuta, nuk do të thotë në asnjë mënyrë ndërhyrje në punët e brendëshme të fqinjëve.

 

Edhe deklarata e shefit të  diplomacisë shqiptare Ditmir Bushati që shkaktoi thirjen në MPJ të ambasadorit Reka, ishte shumë e qartë. Shqipëria nuk synon të përzihet në punët e brendshme të Maqedonisë, Tirana nuk ka përgatitur asnjë platformë politike e cila do të koordinonte veprimet e partive politike shqiptare në Maqedoni.

 

Shqipëria është vendi i vetëm i cili nuk i ka konteston asnjëherë Maqedonisë identitetin dhe integritetin territorial. Por edhe përkundër këtyre deklaratave, vazhdojnë akuzat e shkupit zyrtar dhe VMRO-së për përzierjen e Shqipërisë  në Punët e Brendëshme të Maqedonisë.