Ameti: “Jugohromi” nuk hapet, pa vënë filtrat; Arifi- Ameti: Kemi zgjidhje, presim nënshkrimin e kontratës

Kombinati metalurgjik “Jugohrom “, nuk do të rihapet deri sa t’i përmbushë obligimet, dhe të fillojë më vendosjen e filtrave, ka qenë i prerë ministri i ekologjisë Bashkim Ameti, duke përkujtuar se në këtë drejtim ligji ëhstë i qartë dhe ligji vlen edhe për “Jugohromin”. Pa respektuar standardet ekologjike, kombinati nuk mund të punojë, thotë Ameti. 

 

“Nuk do mund të punojë “Jugohromi’, pa vendosjen e flatrave. Gjithçka që parasheh ligji do të ndërmarrin ashtu siç kemi ndërmarrË deri më tani. Nuk do të lejojmë që askush të punojë pa respektimin e standardeve ekologjike”, tha Bashkim Ameti, ministër i ekologjisë.

 

Por edhe pse parametrat matës të ndotjes, tregojnë se ajri është më i pastër pa “Jugohromin”, Tetova ka edhe ndotës të tjerë problematikë , deponitë e egra. Autoritetet premtojnë zgjidhjene  shpejtë edhe të këtij problemi.

 

“Ju e dini se tërë rajoni ka problemin e deponimit të atyre mbetjeve, pasi me stacionin e transferim, nuk e zgjedhëm atë problem. Atë çështje e kemi zgjidhur si rajon duke fituar me përkrahjen e Agjencionit Zvicrian për zhvillim dhe investim, projekt prej 7 milion eurosh, për rregullimin e plotë të deponis në Rusinos. I cili renovimi I plotë me standardizim mendoj që do të zgjidhte këtë problem të madh për tërë Pollogun”, tha Teuta Arifi, kryetare e komunës së Tetovës.

 

“Jemi në fazën përfundimtare të vendimit para nënshkrimit të kësaj kontrate ,për standardizimin e deponisë rajonale dhe për përforcimin e kapaciteteve për ndërmarrjet publike të gjithë rajonit të Pollogut dhe kjo punë do të zgjidhet në mënyrë afatgjatë”, shtoi Bashkim Ameti.

 

Këto komente ministri I ekologjisë dhe kryetarja  e komunës së Tetovës I bënë, gjatë dorëzimit të dokumentacionit teknik për përfundimin e punimeve të rrjetit të ujësjellësit të Tetovës. Vlera e këtij projekti kap shifrën e 4 milionë eurove dhe ata vlerësojnë se hostoria e mungesës së ujit në tetoë do ti takojë së kaluarës shumë shpejt, me lëshimin në përdorim muajt e ardhshëm, të stacionit të filtrimit.