Egjipt, sulmohen në dy kisha kopte 44 të vrarë

31 persona kanë humbur jetën në shpëthimin në kishën në Tanta dhe 13 në Aleksandri.

Eksplodimi ka ndodhur derisa besimtarët e krishterë merrnin pjesë në një meshë lidhur me festën e Pashkëve, kanë raportuar mediat shtetërore. Shteti Islamik e ka marr përsipër sulmin në dy kishat kopte në Egjipt, që është kryer nga persona vetëvrasës.

Papa Françesk, i cili në fund të këtij muaji do ta vizitoj Egjiptin, e ka dënuar sulmin e sotëm vdekjeprurës në Tanta dhe ka shprehur “ngushëllime të thella” për të gjithë egjiptianët dhe për liderin e Kishës Kopte.

Sheiku i madh, Ahmet al-Tayeb, lider islamik sunit, po ashtu, e ka dënuar këtë sulm, duke e cilësuar si “sulm i neveritshëm terrorist, që për cak i kishte jetët e personave të pafajshëm”.

Në Egjipt jeton një popullatë e krishterë, që përbënë 10 % të popullatës dhe sulmet ndaj kishave kopte janë të shpeshta.