Dekorata e “Legjionit të Nderit”, akademiku Starova u dekorua zyrtarisht

Presidenti i Republikës së Francës e dekoron akademikun dhe shkrimtarin Luan Starova me dekoratën e lartë nga radha e Oficerit të Legjionit të nderit. Ai është bartës edhe i dekoratës së lartë franceze Komandant i arteve dhe letërsisë nga viti 2000.

 

Këto dekorata të Starovës i ndahen për kontributin e tij të madh në zhvillimin e marrëdhënieve midis Maqedonisë dhe Francës në periudhën kur ishte ambasador i parë i Republikës së Maqedonisë në Francë. Starova shkaktoi vëmendje të veçantë në kulturën dhe letërsinë publike me fillimin e publikimit të “Sagës Ballkanike” të cilën kritika letrare franceze e radhit në rendin e romaneve të mëdha evropiane, dhe sot është e  publikuar në rreth njëzet gjuhë të botës.

 

Akademiku Starova ka merita të veçanta në karrierën e tij shumëvjeçare universitare si profesor i letërsisë franceze dhe komparative dhe ka rëndësi të veçantë edhe në zbulimin e aspekteve të reja në marrëdhëniet midis shkrimtarit të madh francez Gijom Apoliner dhe poligrafit shqiptar Faik Konica.

 

Starova është anëtar i Akademisë Evropiane, anëtar i rregullt i Akademisë së Arteve dhe Shkencave të Maqedonisë, anëtar i Akademisë Mesdhetare nga Napoli, anëtar nderi i Akademisë  së Shkencave të Shqipërisë , si dhe anëtar i shoqatës shkencore “Lajbnic” nga Berlini.