Sulmi ndaj “Borusia Dortmund”, policia pa të dhëna mbi autorët dhe motivin

Autoritetet e Gjermanisë kanë konfirmuar se tri eksplodime kanë ndodhur dje afër autobusit ku gjendeshin futbollistët e ekipit, Borusia Dortmund.

Shefi ekzekutiv i klubit, Hans-Joachim, tha se mbrojtësi spanjoll i ekipit, Marc Bartra, është lënduar dhe ishte dërguar në spital. Bashkëlojtarë të tij u thanë mediave zvicerane se ai ishte “goditur nga copat e xhamave të thyer”. 

Policia tha se indikimet e para janë se ky ishte “sulm me pajisje serioze eksploduese”. 

Një letër, me të cilën merret përgjegjësia, është gjetur afër vendit të eksplodimeve, ka thënë prokurorja, Sandra Leucke, por pa dhënë detaje të tjera. 

Incidenti ka ndodhur në vendin Hoeshten, afër qytetit Dortmund, derisa ekipi ishte nisur për takimin gjysmëfinal të Kupës së Kampionëve kundër Monakos. Ndeshja e paraparë të luhej dje është shtyrë për sot.