Më shumë se 25.000 persona në Somali janë të sëmurë nga kolera

Më shumë se 25.000 persona në Somali janë prekur nga kolera, gjegjësisht diarreja akute ujore, ndërsa pritet që numri i të sëmurëve të dyfishohet në muajt e ardhshëm "deri në fillim të verës", kumtoi sot Organizata Botërore e Shëndetësisë (OBSH).

 

"Shkalla e vdekshmërisë e shkaktuar nga sëmundjet për shkak të ujit të ndotur ose ushqimit në Somali tani më arrin 2,1 për qind, ndërsa vdekshmëria e shkaktuar nga kolera arrin shkallë prej 14,1 për qind në Xhubën e Mesme dhe 5,1 për qind në Bakolu", deklaroi zëdhënësi i KB-së, Jens Lerk, në takim me gazetarët.

 

Nga fillimi i vitit në vend janë paraqitur rreth 533 raste të vdekjes lidhur me përhapjen e epidemisë nga kolera./mia