Shtyhet gjykimi për Almir Aliun: Shkak, mungesa e ekspertit mjekësor

Gjykata Themelore e Kumanovës ka shtyrë gjykimin kundër Boban Iliqit, i akuzuar për vrasjen e katërvjeçarit Almir Aliu para Shtëpisë së Shëndetit të Kumanovës.

 

Shkak për prologimin e seancës gjyqësore është mungesa e ekspertit nga Klinika e Psikoterapisë në Shkup.

 

Mjekja gjatë kohë ka qenë në pushim mjekësor dhe për shkak të kësaj ajo nuk ka mundësi të merr pjesë në seancë.

 

Në seancën e kaluar njëri nga ekspertët mjekoligjor para gjykatës ka prezantuar diagnozën psikiatrike se Boban Iliq nuk e ka kryer vrasjen me paramendim siç pretendon prokuroria.

 

Kjo është kundërshtuar nga avokatët e familjes së Aliut duke u shprehur të pakënaqur nga ekspertiza. Sipas tyre nuk janë marrë parasysh të gjitha dëshmitë e dorëzuara në Gjykatë duke kërkuar ekspertizë të re.

 

Familja e Aliut kërkon dënim maksimal për Bobanin, i cili gjykohet për veprën penale vrasje me paramendim.

 

Almiri katërvjeçar u vra më 25 qershor vitin e kaluar, për shkak të zënkës banale për pritjen në rend, në Shtëpinë e Shëndetit të Kumanovës, e cila zënkë u rrit më tepër mes babait të fëmijës dhe Bobanit.

 

Boban në përpjekje për të ikur nga sulmuesit, me veturën e tij  goditi në mur dhe e shkeli djaloshin.