‘Java e shenjtë e Pashkës”, Papa u lan këmbët ish anëtarëve të mafia-s

Ai zgjodhi të vizitonte burgun e vendosur në fortesën e shekullit të XVI në Paliano, rreth 75 km në jug të Romës, vendi që mban prapa hekurave të penduarit e mafias.

Papa Françesku mbajti një meshë përpara rreth 70 të burgosurve atje.

Pjesë e shërbesës ishte dhe larja e puthja e këmbës së djathtë të 12 të dënuarve, gjest ky që kremton përulësinë e treguar nga Jezu Krishti ndaj 12 apostujve të tij natën përpara se të vdiste në kryq.  

3 prej këtyre personave ishin gra që është një traditë e re e vendosur në Papatin e Franceskut, pasi larja e këmbëve është një rituar që deri tanu u rezevrohej vetëm meshkujve katolikë. Një prej të dënuarve ishte shqiptar, 10 të tjerë italianë dhe i fundit, një argjentinas nga vendlindja e Papës, i cili i pati dërguar dhe një letër Atit të Shenjtë.  

Burgu i sigurise së lartë i është  rezervuar thuajse tërësisht të burgosurve që njihen në Itali si bashkëpunëtorë të drejtësisë.

Shumica e tyre janë ish-pjesëtarë të tre grupeve më famëkeqe të krimit të organizuar në vend, Cosa Nostra, Camorra dhe Ndrangheta.

Papa Françesku i ka dënuar me forcë grupe të tilla, pjesëtarët e të cilëve i konsideron adhurues të Djallit.

GAZMEND KURTISHI