Siri, Izraeli sulmon një kamp të forcave pro qeveritare

Izraeli ka kryer një sulm në një kamp të forcave proqeveritare në Siri, ku janë vrarë tre luftëtarë.

Lajmin e ka konfirmuar një zyrtar i forcave proqeveritare siriane. Me këtë sulm ishte goditur kampi i forcave proqeveritare në pjesën siriane të Rafshnaltës së Golanit, ka raportuar Observatori sirian për të drejtat e njerit, me seli në Londër, që i ka vëzhguesit në terren.

Agjencia zyrtare e lajmeve e Sirisë, SANA, raportoi se Izraeli e ka sulmuar një pozicion të ushtrisë siriane “duke shkaktuar dëme”. Ushtria e Izraelit nuk ka bërë komente rreth këtyre njoftimeve.