Bruksel, konsultime mes Maqedonisë dhe NATO-s

Në selinë e NATO-s u mbajtën konsultimet e radhës mes Maqedonisë dhe Aleancës, në të cilat edhe një herë delegacioni i lartë i Ministrisë së Mbrojtjes konfirmoi se theks strategjik i Republikës së Maqedonisë është anëtarësimi në NATO.

 

Reformat ishin pjesa kryesore e konsultimeve në Bruksel. 

 

“Me bashkëbiseduesit i kemi prekur të gjitha çështjet në lidhje me reformat dhe gjithçka që është arritur gjatë vitit të kaluar dhe të gjitha sugjerimet, gjegjësisht vërejtjet me qëllim të mirë nga ana e NATO-s në lidhje me atë si duhet të lëvizim përpara deri në anëtarësimin e plotfuqishëm në Aleancë”,- deklaroi zëvendësministri i Mbrojtjes, Bekim Maksuti.

 

Në vitin 2017, në buxhetin e Ministrisë janë miratuar 6,38% më shumë mjete buxhetore dhe përfaqësuesit e Aleancës përshëndetën  faktin që pothuajse 21% i këtyre mjeteve do të dedikohen për shpenzime kapitale.

 

“Ministria e Mbrojtjes dhe Armata veç më e kanë filluar procesin e furnizimit të pajisjes së re, moderne dhe bashkëkohore për nevojat e Armatës dhe veç më kanë arritur marrëveshje. Gjithashtu, jashtëzakonisht jemi të përkushtuar edhe në pjesën e vazhdimit të këtij procesi kyç”,- theksoi sekretarja shtetërore në Ministrinë e Mbrojtjes, Elizabeta Çupovska-Ristova.

 

Maqedonia sivjet hap ciklin e 18 të Planit të akcizës për anëtarësimin e ardhshëm në Aleancë. Gjatë këtyre konsultimeve Maqedonia është vlerësuar për kontributet adekuate në të gjitha qëllimet e partneritetit.