Qeveria e Kosovës: Lirimi i Haradinajt, fitore e drejtësisë

Qeveria e Kosovës përmes një komunikate për mediat ka thënë se në vazhdimësi është zotuar se do të bëjë përpjekje për të penguar keqpërdorimin e drejtësisë nga Serbia.

 

Ekzekutivi i shtetit të Kosovës, duke përshëndetur vendimin e autoriteteve franceze për lirimin e Haradinajt, fletarrestimin në bazë të të cilit u ndalua kreu i AAK-së e cilësoi të padrejtë.

 

“Duke vlerësuar se fletarrestet serbe mbi bazën e të cilave është ndaluar z. Haradinaj janë të paligjshme dhe të padrejta, Qeveria e Kosovës konsideron se vendimi i Gjykatës franceze është konfirmim se e drejta është në anën e z. Haradinaj”,- thuhet në reagim. 

 

Ka reaguar edhe lideri i Aleancës së Re, Behgjet Pacolli. Pacolli është shprehur se drejtësia sot ka folur.