AShAAV, promovohet rrjeti për edukim mediatik

Rrjet i ri për edukimin mediatik në Maqedoni, i promovuar nga Agjencia e Mediave, do të mundësojë bashkëpunim në mes disa institucioneve dhe OJQ-ve, të cilat krijojnë politika dhe realizojnë aktivitete dhe projekte në sferën e edukimit të mediave.

Kjo do të lehtësojë qasjen deri te mediat, të kuptohen dhe të vlerësohen aktorët e ndryshëm në media.

“Rrjeti do të lehtësojë komunikimin dhe konsultimin mes subjekteve të ndryshme që  veprojnë në ngritjen e vetëdijes dhe edukimit mediatik,  si  tek fëmijët ashtu dhe te të rriturit”,- deklaroi drejtori i AShAAV-it, Zoran Trajçevski.

“Të jesh në edukimin mediatik iu mundëson qytetarëve të bëhen pjesë e proceseve demokratike. Ky edukim është i lidhur me të menduarit kritik të qytetarëve, i cili do të mundësojë që qytetarët të jenë në gjendje të hedhin hapa dhe t’i përballojnë sfidat me të cilat do të përballen në shoqëri dhe teknologji”,- u shpreh shefi i  delegacionit të BE-së në Maqedoni, Samuel Zhbogar. (Besim Abdullai, TVM2)