Maqedoni
Prononcohet Xhaferi, pas dhunës në Kuvend
28.04.2017 10:22
Kryetari historik shqiptar i Kuvendit të Maqedonisë, Talat Xhaferi, i zgjedhur dje në një seancë të jashtëzakonshme, ka komentuar situatën e mbrëmshme....
Ai ka thënë se ajo që ka ndodhur mbrëmë në Maqedoni do të ketë pasojat e veta.
"Situatë e vështirë. Veprimet e mbrëmshme do të kenë pasojat e veta", ka thënë Xhaferi.
Megjithatë ai ka shtuar se tani pritet që gjithçka të bie në vendin e vet, ndërkohë që ka konfirmuar se deputetët shqiptarë janë mirë.
"Ne u evakuam menjëherë dhe nuk ishim më në rrezik. Sidoqoftë, tani besoj që gjithçka do të bie në vendin e vet", ka shtuar Xhaferi.
Ndërkohë dje me tu zgjedhur kryetar i Kuvendit, Xhaferi ka premtuar se si kryetar i zgjedhur edhe pse në këto rrethana në asnjë mënyrë nuk do lejojë uzurpim të institucioneve./Mia