LSDM: Veljanovski të lirojë zyrën, zgjedhje të reja nuk do të ketë

Nga LSDM kërkuan që Trajko Veljanoski t’ia mundësojë kryeparlamentarit të ri të Kuvendit të hyjë në kabinetin e tij në mënyrë që të vazhdojnë proceset demokratike, ndërsa shumica në Kuvend të formojë Qeverinë.

 

Zgjedhje të reja, thekson LSDM, nuk do të ketë.

 

“Kryetar i ri i Kuvendit është Talat Xhaferi. Kryetari i ri legjitim i Kuvendit do t’i dërgojë njoftim Gjorge Ivnaovit se është formuar shumica legjitime demokratike dhe se Ivanov është i obliguar t’ia ndajë mandatin kryetarit të LSDM-së, Zoran Zaev, për formimin e Qeverisë”,- thuhet në kumtesë. 

 

LSDM edhe një herë do t’ia shpalos Ivanovit ekzistimin e programit të qeverisë së re reformuese, që në tërësi e garanton karakterin unitar të Maqedonisë, ndërkaq kërkon përgjegjësi për porositësit dhe ekzekutorët e dhunës së 27 prillit në Kuvend.